Bakı-2017 4-cü İslam Həmrəyliyi Oyunları ilə bağlı Xırdalan şəhər 2 nömrəli məktəbin təşkilatçılığı ilə Oyunlara 1 gün qalan ərəfədə Xırdalan şəhərində yerləşən Heydər Əliyev adına mədəniyyət və istirahət parkında 200-dən çox gəncin iştirak etdiyi fleşmob keçirildi.
Tədbirin əsas məqsədi Bakı 2017 Oyunlarına 1 günün qalması tarixini qeyd etmək, eləcə də əhalinin oyunlar haqda məlumatlılığını artırmaq idi. Bakı-2017 IV İslam Həmrəyliyi Oyunlarının təbliği məqsədilə keçirilən fleşmob tədbirində 57 şagird Oyunlarda iştirak edəcək ölkələrin (57 ölkə) bayraqları ilə hər kəsi salamlayıb, “Bakı sizi qarşılamağa hazırdır” mesajını verdilər.
"Flashmob"da şagirdlər puzzle şəklində hazırlanmış və 57 hissəyə bölünmüş şəkillin hissələrini birləşdirərək “ Bakı-2017 4-cü İslam Həmrəyliyi Oyunları”nın logosunu yaradıblar.
“Fleşmob”-da iştirak edən məktəbin 10-cu snif şagirdi Hacıyeva Ayna tədbirdən aldığı xoş təəssüratı belə bölüşdü: “Bakı 2017 İslam Həmrəyliyi Oyunları "fleşmob"unun bir hissəsi olduğuma görə çox sevinirəm. Oyunlara artıq bir gün vaxt qalır və həyəcan getdikcə artır. Bu gün də bura yığışmağımızın əsas məqsədi bizim burada yaşadığımız həyəcanı hamı ilə paylaşmaqdır. Əminəm ki, Oyunlar zamanı qonaqlar Bakımızın gözəlliyinə heyran qalacaq.”
Şamo Əliyev
