Xırdalan şəhərində Kyokuşinkay üzrə Beynəlxalq Seminar keçirildi.

Seminar Azərbaycan Kyokuşinkaykan Karate Federasiyası və Beynəlxalq Kyokuşinkay Karate Federasiyasının prezidenti, 9-cu dan qara kəmər sahibi Teyyub Əzizovun rəhbərliyi altında keçirilib.

Federasiya prezidenti Teyyub Əzizov seminarda çıxış edərək deyib: "Bu gün təşkil etdiyimiz tədbir " iyunun 25-də Azərbaycanda Kyokuşinkaykan karate üzrə uşaqlar, yeniyetmələr, gənclər, kişilər, qızlar və qadınlar arasında keciriləcək respublika birinciliyi”nə hazırlıq məqsədi daşıyır. Biz inanırıq ki, Abşeron idmançıları bu yarışlarda uğurla çıxış edəcəklər ".

Abşeron rayon Gənclər və İdman idarəsinin rəisi Əsgər Əmirəliyev çıxış edərək gənc idmançılara gələcək yarışlarda yeni uğurlar arzulayıb.Sonra o, çıxışında gənc nəslin sağlam vətənpərvər ruhda böyüməsinin hər bir ölkə,hər bir dövlət üçün ən başlıca məsələ olduğunu,Gənclər Siyasətinin banisi ulu öndər H.Əliyevin daima bu məsələni öz diqqətində saxladığını və bununla bağlı imzaladığı Fərman və Sərəncamlardan, bu siyasətin Azərbaycan Respublikasının Prezidenti cənab İlham Əliyev tərəfindən uğurla həyata keçirilməsindən, 2017-ci ildə gənclər və idman sahəsində əldə edilən nailiyyətlərdən danışıb.

Seminarda Abşeron komandasının baş məşqçisi, II dan qara kəmər sahibi, Beynəlxalq yarışların qalibi Elşad Əliyev çıxış edərək , respublikada idmana göstərilən qayğıya görə ölkə başçısı İlham Əliyev cənablarına, Abşeron idmançılarına daim maddi və mənəvi dəstək olan rayon rəhbəri İradə Gülməmmədovaya və rayon Gənclər və İdman İdarəsinin rəsi Əsgər Əmirəliyeva dərin minnətdarlığını bildirib.

Seminarın sonunda Abşeron Gİİ-nin rəisi Əsgər Əmirəliyev Federasiyasının prezidenti Teyyub Əzizov tərəfindən “Azərbaycan Respublikasının Kyokuşinkay Karate və Ciyutaido Federasiyasının Abşeron rayonunda inkişafına göstərdiyi köməkliyə görə” Fəxri Fərmanla təltif olunub .


Şamo Əliyev