Təhsil müəssisələrində yay tətili başlasa da məktəbəqədər təhsil müəssisələri adi qaydada işini davam etdirir. Eyni zamanda, uşaq bağçalarında yeni tədris ilinə hazırlıq məqsədilə əsaslı və cari təmir işləri aparılır. Yay mövsümünə baxmayaraq, bağçalarda uşaq sayında kəskin azalma müşahidə olunmur.
15 nömrəli uşaq bağçasında 11 qrupda 220 uşaq təlim - tərbiyə alır. Müəssisədə daxili imkanlar hesabına təmir işləri görülür. Aparılan cari təmir işləri bağçada uşaqların sayının azalmasına səbəb olmamışdır. Bağçanın müdiri Metanət Novruzova bildirib ki, yay aylarında uşaqların istirahəti əsasən həyətdə təşkil edildiyi və təmir işlərinin qrup otaqlarında hissə-hissə aparıldığından bağçanın fəaliyyətinin tam və ya qismən dayandırılmasına ehtiyac duyulmamışdır.
Şamo Əliyev
