Rayon icra hakimiyyətinin gündəlik diqqət ayırdığı sahələrdən biri əhalinin elektrik enerjisi təminatının yaxşılaşdırılması, mövcud olan problemlərin müəyyən edilərək aradan qaldırılması, bu sahələrdə neqativ halların baş verməməsi olmuşdur. Bu sahələrdə olan vəziyyət müntəzəm olaraq təhlil edilmiş, ilk növbədə maddi-texniki təchizatın yaxşılaşdırılması, əhalinin elektrik enerjisi ilə daha keyfiyyətli və dayanıqlı təmin edilməsi üçün işin daha şəffaf şəkildə qurulması istiqamətində tədbirlər həyata keçirilmişdir.
Beləki, cari ilin doqquz ayında əhalinin sabit elektrik enerjisi ilə təminatı ilə bağlı yaşayış məntəqələrində 18 ədəd yeni transformator quraşdırılmış, 3 ədəd yanmış transformator bərpa edilmiş, 400 ədəd dayaq və 50 min metr naqil dəyişdirilmiş, yaşayış məntəqələrində 36.5 min metr uzunluqda “SİP” kabelləşməsi aparılmışdır. Qobu qəsəbəsində 110 kv-luq, Xırdalan şəhəri və Masazır kəndində isə 35 kv-luq yarımstansiyaların tikintisi, şəhər ərazisində 3 yarımstansiyanı birləşdirəcək dairəvi 35 kilovoltluq xəttin çəkilişi işləri başa çatmış, Xırdalan şəhərində əlavə olaraq 1 yeni 35 kv-luq yarımstansiyanın tikintisində son tamamlama işləri görülür. Qobu qəsəbəsində inşa olunmuş 110 kv-luq yarımstansiyaya Qobu və Hökməli qəsəbələrinin qoşulması təmin edilmiş və Güzdək qəsəbəsinin də gələcəkdə bu yarımstansiyaya qoşulması üçün Qobu-Güzdək yolunun üzərində yeni transformator məntəqəsinin tikintisi işləri həyata keçirilir.
Bağlar elektrik şəbəkəsi tərəfindən Mehdiabad-Novxanı yolu üzərindəki 6-kv-luq hava veriliş xətləri kabel xətləri ilə əvəz olunmuş və 7 ədəd 3 girişli yeni Kompleks Transformator Məntəqəsi quraşdırılmışdır. Digah qəsəbəsində elektrik enerjisi verilişinin Binəqədineftdən ayrılaraq Fatmayı yarımstansiyasının üzərinə keçirilməsi nəticəsində qəsəbədə elektrik təchizatı ilə bağlı problemlər aradan qaldırılmışdır. Eyni zamanda hazırda Hökməli, Aşağı Güzdək və Saray qəsəbələrində daxili xətt şəbəkəsinin yenidən qurulması işləri həyata keçirilir. Görədil, Fatmayı, Mehdiabadda 6 minlik və 0.4 şəbəkənin yenidən qurulması işləri ilə bağlı sənədləşmə işləri aparılır.
Şamo Əliyev
