Abşeron Rayon Mərkəzi Xəstəxanasının dəstəyi və Mehdiabad qəsəbə həkim ambulatoriyasının təşkilatçılığı ilə Mehdiabad qəsəbə 4 saylı tam orta məktəbdə “Quru göz” sindromu mövzusunda marifləndirici tədbir keçirilib.
İlk önçə göz haqqında hazırlanan slayd təqdim edilib.
Toplantını giriş sözü ilə Məktəb direktoru prof. Elnurə Cavadzadə açaraq qonaqları təqdim edib.
Tədbirin əvvəlində məktəbin 10-cu sinif şagirdləri marifləndirici səhnəciklər göstəriblər.
Məktəbin müəllimlərinin və yuxarı sinif şagirdlərinin iştirak etdiyi marifləndirici tədbirdə çıxış edən Mehdiabad həkim ambulatoriyasının baş həkimi Qənitə İsmayılova “Quru göz” sindromu haqqında qısa məlumat verib və mövzu ətrafında çıxış üçün sözü Mehdiabad qəsəbə həkim ambulatoriyasının göz həkimi Ülkər Həsənova verib.
Ü.Həsənova çıxışında bildirib ki, Quru göz sindromu gözün təbii mayesinin və nəmləndirilməsinin xroniki çatışmazlığı nəticəsində meydana gəlir. Onun fəsadları isə gözün ön qişalarının zəif, lakin daimi iltihabı ilə nəticələnir. Quru göz həmçinin, keratitis sicca termini ilə adlandırılır ki, bu da göz yaşının həm miqdarının, həm də keyfiyyətinin azalması ilə müşayiət olunur. Quru keratokonyunktivit isə həm buynuz qişanı, həm də konyuktivanı zədələyən quruluqdur.
Ü.Həsənova həmçinin mərüzəsində quru gözün simptomları (əlamətləri), quru gözün səbəbi, quru gözlərin müalicəsi, meybomi vəzilərinin tıxanması, göz yaşı nöqtəsinin tıxanması, göz qapaqlarının xəstəlikləri, kontakt linzalar və görmənin korreksiyası əməliyyatı barədə yığınçaq iştirakçılarına geniş məlumat verib.
Sonda tədbir iştirakçılarını maraqlandıran çoxsayılı suallar həkimlər tərəfindən cavablandırlıb.
Şamo Əliyev
