Xırdalan şəhərində fəaliyyət göstərən 15 nömrəli uşaq bağçasında Abşeron rayon İcra Hakimiyyəti tərəfindən aparılan əsaslı təmir işləri davam edir.
Uşaq bağçasının mövcud vəziyyəti və burada tərbiyə alan uşaqların sayı nəzərə alınaraq Abşeron Rayon İcra Hakimiyyəti tərəfindən həmin məktəbəqədər tərbiyə müəssisəsində əsaslı təmir işləri aparılır. Təmir zamanı bağçadakı böyük və orta qruplarda elektrik xətləri dəyişdirilmiş, divarlar rənglənmiş, döşəməyə lak çəkilmiş, pəncərələrin kənarına aqlay vurulmuş, qapı və pəncərələr, döşəmə, tavan, sanitariya qovşaqları təzələnir. Təmir işlərinə 2 briqada cəlb edilib. Əsaslı təmir çərçivəsində qrup otaqlarının geniş və işıqlı olması nəzərə alınır. Dəhlizlər və pilləkənlərə qranit üzlük çəkiləcək.
Məlumat üçün bildirək ki, bir müddət əvvəl şəhərdəki 1 nömrəli uşaq bağçası da əsaslı təmir olunaraq balacaların istifadəsinə verilmişdir.
Şamo Əliyev
