Son illərdə Xırdalan şəhərində gedən geniş abadlıq-quruculuq işləri çərçivəsində çoxmənzilli binaların sakinlərini narahat edən problemlərin aradan qaldırılması istiqamətində mühüm tədbirlər həyata keçirilib.Belə ki, çoxmərtəbəli yaşayış binalarının köhnə dam örtükləri müasir tipli metal örtüklə əvəz olunur, fasad hissəsi rənglənir, eyvanları dəyişdirilərək müasir formaya salınır.
Binaların təmiri Azərbaycan Prezidenti İlham Əliyevin Xırdalan şəhərində çoxmənzilli binaların əsaslı təmiri ilə bağlı əlavə tədbirlər haqqında Sərəncamına əsasən ayrılan vəsait hesabına həyata keçirilir.
Artıq on binanın dam örtüyü dəyişdirilib, yeddi binanın isə fasadı yenilənərək müasir görkəmə salınıb. Bununla yanaşı, çoxmənzilli binaların blokları təmir olunaraq, işıqlandırma sistemi yenilənib. Təmir işləri davam etdirilir.
Şamo Əliyev
