Ölkə Prezidentinin tapşırıq və tövsiyələrinə uyğun olaraq vətəndaşların problemlərinə Abşeron Rayon İcra Hakimiyyətində diqqətlə yanaşılır. İlk növbədə, müraciətlərin yaranması səbəblərinin aradan qaldırılması üçün ciddi tədbirlər həyata keçirilir.Abşeron RİH başçısının yerlərdə keçirdiyi səyyar qəbul-görüşlərlə yanaşı, Rayon İcra Hakimiyyətində də vaxtaşırı keçirilən qəbullarda əhalinin qaldırdığı məsələlər operativ şəkildə həll olunur.
İcra hakimiyyətinin başçısı, müavinlər, şöbə müdirləri, mütəmadi olaraq vətəndaşların müraciət və təkliflərini dinləyir, onlara lazımi kömək göstərirlər. Bu məsələ ilə əlaqədar rayon icra hakimiyyətində xüsusi lövhə hazırlanıb. Həmin lövhədə icra başçısının, müavinlərin, şöbə müdirlərinin, qəbul günləri göstərilib.
16 aprel 2018-ci il tarixdə Abşeron Rayon İcra Hakimiyyətinin inzibati binasında baş tutan qəbulda vətəndaşların təklif, müraciət və şikayətləri rayon icra hakimiyyətinin başçısı İradə Gülməmmədova tərəfindən dinlənilib.
Qəbulda dinlənilən müraciətlərin çoxu yerindəcə öz həllini tapıb.
Görüşdə yalnız problemi olanlar deyil, müraciətləri həll olunan vətəndaşlar da minnətdarlıq üçün gəlmişdilər. Qəbuldan razılıqla gedən vətəndaşlar onların problemlərinə diqqət və qayğı ilə yanaşan ölkə rəhbəri İlham Əliyevə, birinci vitse-prezident Mehriban xanım Əliyevaya və rayon İcra Hakimiyyətinin başçısı İradə Gülməmmədovaya minnətdarlıq ediblər.
Şamo Əliyev
