Abşeron rayonunda Ümummilli lider Heydər Əliyevin 95 illik yubileyi münasibəti ilə silsilə idman tədbirlər keçirilir. Rayon ümumtəhsil məktəblərində müxtəlif idman yarışları keçirilir,müsabiqələr təşkil edilir.Rayon Təhsil Şöbəsinin fəaliyyət planına əsasən ümumtəhsil müəssisələrində “ Fiziki tərbiyə”, o cümlədən Gənclərin “Çağırışaqədər Hərbi Hazırlıq” fənn aylığı elan edilib. Abşeron Olimpiya Kompleksində keçirilən tədbirdə əvvəlcə qonaqlar rayonda idman sahəsində əldə edilən uğurları əks etdirən sərgi və stendlərlə tanış oldular. Rayon İcra Hakimiyyətinin, Təhsil Şöbəsinin, Gənclər və İdman İdarəsinin, Azərbaycan Respublikası Şəhid, Əlil və Veteranlar birliyinin iştirak etdiyi tədbir məktəblilərin hazırladığı “ Heydər Əliyev 95 “ fləşmobünün nümayişi ilə başlayıb
Dövlət Himninin səsləndirildikdən sonra Rayon Təhsil Şöbəsinin müdiri Nazilə Məmmədova ümummilli liderin hakimiyyətdə olduğu müddətdə gördüyü işlərdən, yürütdüyü siyasətdən, reallaşdırdığı böyük layihələrdən danışıb.
Qeyd edilib ki, Heydər Əliyevin qüdrətli zəkasından güc alan inkişaf strategiyası prezident İlham Əliyevin rəhbərliyi ilə Azərbaycanın surətlə irəliləməsini, xalqımızın daha firavan günlərə qovuşmasını təmin edir. Ulu öndərin yeritdiyi uğurlu siyasət ölkəmizə beynəlxalq aləmdə nüfuz qazandırıb. Bu gün Azərbaycan regionda lider dövlətə çevrilib. Prezident İlham Əliyev tərəfindən uğurla və qətiyyətlə həyata keçirilən,ölkəni böyük nailiyyətlər və tarixi qələbələr yolu ilə aparan, alternativi olmayan bu siyasət Heydər Əliyev yolunun təntənəsidir,əldə olunan nəticələr isə xalqın sabaha olan inamını qat-qat artırır.
Təhsil şöbəisinin əməkdaşı, metodiki kabinetin müdiri Sevil Əliyeva tədbirin əhəmiyyətindən danışıb. Bildirdi ki, məktəblərdə “ Fiziki tərbiyə” və Gənclərin “Çağırışaqədər Hərbi Hazırlıq” fənninin tədris vəziyyətini yüksəltmək,ən yaxşı müəllimləri aşkar etmək,qabaqcıl müəllimlərin təcrübəsini öyrənmək və yaymaq məqsədi ilə rayon ümumtəhsil məktəblərində fənn aylığı çərçivəsində tədbirlər planı hazırlanıb,müxtəlif müsabiqələr,seminarlar,yarışlar,fənnə aid müxtəlif profilli albomlar təşkil olunub, təhsil müəssisələrinin hər birində müəllimlərin “açıq dərs” ləri keçirilərək, məktəb rəhbərləri tərəfindən təhlil olunub.
Tədbirdə rayon məktəbliləri, şahmat-dama yarışı, stolüstü teniss, güləş, cüdo, karate, bədii gimnastika, şən startlar, basketboll, sıra hazırlığı, əlehqazdan istifadə və digər mərhələlərdə öz bacarıqlarını yoxlayıb,qüvvələrini sınayıblar.
Sonda qalib gələn komandalara, fiziki tərbiyə və çağırışaqədərki hərbi hazırlıq müəllimlərinə fəxri fərman və kuboklar təqdim edilib.
Şamo Əliyev
