Dəmir yolu xəttlərinin Xırdalan şəhərinə düşən hissəsində böyük abadlıq – təmizlik işlərinin aparılmasına strat verilib. Abşeron Rayon İcra Hakimiyyətinin başçısı İradə Gülməmmədovanın tapşırıq və tövsiyyələri əsasən ərazidə dəmir yolunun təhkim zolağının məişət tullantılarından təmizlənməsinə başlanılıb. Bununla əlaqədar olaraq bu gün genişmiqyaslı iməclik keçirilib.
Aparılan işlərlə yerindəcə tanış olmaq məqsədi ilə əraziyə gələn Abşeron RİH başçısı İ.Gülməmmədova atılması vacib olan addımlarla bağlı lazimi tapşırıqlarını verib.
Dəmir yolunun təhkim zolağına yaxın ərazıdə məskunlaşan məcburi köçkünlərlə də görüşən RİH başçısı sakinlərin yaşayışı, problemləri və qayğıları ilə maraqlanıb.
Sakinlər əsasən telefon xəttinin çəkilməsində, elektrik naqillərinin dəyişdirilməsində və digər məsələlərlə bağlı köməklik göstərilməsini xahiş ediblər.
Sakinlərin qaldırdığı məsələlərin bir çoxu yerindəcə həll olunub. Vaxt və vəsait tələb edən məsələlər barəsində isə müvafiq göstərişlər verilib.
Şamo Əliyev
