Ümid Fuad Aslanov 2006-cı il yanvarın 23-də Bakıda anadan olub.Xırdalan 1 nömrəli məktəbin 3-cü snif şagirdidir.Ailəsinin şahmata olan marağından sonra Ümidin də bu idman növünə marağı yaranmışdır.
O, 5 yaşında 1 nömrəli ixtisaslaşdırılmış Olimpiya Uşaq Gənclər Şahmat-Dama məktəbinə qəbul olaraq,şahmatın sirlərini öyrənməyə başlamışdır.Təcrübəli müəllimlərindən dərs alan balaca Ümid valdeyinlərinin və onu sevenlərin arzularını gerçəkləşdirmək üçün çalışmışdır.2012-ci ildə 6 yaşlı şahmatçılar arasında Bakı çempionatında iştirak edən və fərqlənən Ü.Aslanov beynəlxalq yarışlara vəsiqə qazanmışdır.Həmin ilin mayın 10-15 tarixlərində Rumıniyada 45-əyaxın ölkənin 7 yaşa qədər şahmatçıları arasında keçirilən dünya çempionatında o, V yerin sahibi olmuşdur.Ümidləri doğrultmağa çalışan Ümid bundan başqa 2012-ci ildə Gürcüstanın Poti şəhərində Nana Aleksandriya adına beynəlxalq turnirdə 7 yaşlı şahmatçılar arasında rəqiblərindən fərqlənərək fəxri kürsünün yüksək pilləsinə çıxmışdır.
2013-cü ilin mayında Yunanıstanın Portokaros şəhərində 50-yə yaxın ölkənin şahmatçılarının iştirakı ilə keçirilən yarışda fərqlənən Ü.Aslanov III yeri tutmuşdur.
Həmin ilin iyunun 20-28 tarixlərdə Serbiyanın Novisad şəhərində Avropa çempionatında iştirak edən Ümid 7 yaşlı şahmatçılar arasında I yeri tutaraq fəxri kürsünün
yüksək pilləsinə qalxmışdır.
Balaca Ümidin qazandığı uğurları sadalamaqla bitməz..Onun belə uğurlarından biridə 2014-cü il aprelin 1-5 keçirilən Heydər Əliyev adına Beynəlxaq turnirdə fəxri kürsünün ən yüksək pilləsinə qalxmasıdır.
Bizdə Abşeron Xəbər kollektivi adından Ümidə gələcək yarışlarında uğurlar arzu edirik.
