13 iyun 2014-ci il tarixdə Abşeron rayonu Masazır kəndində "15 iyun - Milli Qurtuluş günü"nə həsr olunmuş tədbir keçirildi. Tədbirdə rayon İcra Hakimiyyətinin başçısı Zakir Fərəcov, hüquq-mühafizə orqanlarının, idarə, müəssisə, təşkilatların rəhbərləri, rayon ictimaiyyətinin nümayəndələri iştirak edirdilər.
Muasir və müstəqil dövlətçiliyimizin formalaşmasında ən mühüm əhəmiyyətə malik hadisələrdən biri, heç şübhəsiz, Milli Qurtuluş Günüdür. 1993-cü ilin 15 iyun tarixi yaxın keçmişimizin işıqlı səhifələrindən biridir. Çünki həmin tarix ulu öndər Heydər Əliyevin xalqın təkidli tələbi ilə respublikaya rəhbərlik etməyə başlamasının və ölkəni nicat yoluna çıxarmasının başlanğıc günüdür. Artıq neçə illərdir ki, xalqımız iftixar hissi ilə bu əlamətdar tarixi günü bayram kimi qeyd edir.
Abşeron rayonunun sakinləri də Milli Qurtuluş Gününü ənənəvi olaraq yüksək əhval-ruhiyyədə, necə deyərlər, ürəkləri istəyən şəkildə qarşılayırlar.
Bir-birini əvəz edən maraqlı musiqilər, rəqs nümunələri, rayonun mədəniyyət kollektivlərinin çıxışları tamaşaçıların ürəyindən xəbər verir. Bəs necə, abşeronlulara da yaraşan elə budur: dövlətçiliyimizin qorunmasında və inkişafında xüsusi rolu olan Milli Qurtuluş Gününü məhz bu cür – yüksək əhval-ruhiyyə və coşğu ilə qarşılamaq.
Tədbir tanınmış incəsənət ustalarının konsert proqramı ilə gecə saatlarınadək davam etdi.
Sonda atəşfəşanlıq təşkil edilmişdir.
Şou proqram və atəşfəşanlıq Abşeron rayon sakinlərində və qonaqlarda xoş ovqat yaratmışdır.