Abşeron rayonu Mehdiabad qəsəbəsində yeni inşa edilən 4 saylı 400 şagird-yerlik tam orta məktəbin açılışı olub. Açılışda Abşeron rayon icra hakimiyyətinin başçısı cənab Zakir Fərəcov, idarə və müəssisə rəhbərləri, təhsil işçiləri, ictimaiyyətin nümayəndələri iştirak ediblər.
Toplantıda Dövlət Himni səsləndirilib.
Tədbirdə çıxış edən rayon icra hakimiyyətinin başçısı Zakir Fərəcov yeni dərs ili münasibətilə müəllim və şagird heyətini təbrik edib, onlara uğurlar arzulayıb.Bildirib ki,Prezident İlham Əliyevin tapşırığına əsasən son illər respublikamızda yüzlərlə məktəbin tikilməsi, bir çoxunun isə yenidən bərpası təhsilə göstərilən diqqət və qayğının mühüm tərkib hissəsi olmaqla yanaşı həm də Azərbaycan gələcəyinin daha etibarlı təminatına geniş imkanlar açır. Abşeron rayonunda təhsilin günün tələbləri səviyyəsində qurulması, kompleks tədbirlərin həyata keçirilməsi məqsədilə rayon İcra Hakimiyyətində xüsusi proqram hazırlanıb. Ele bu meqsedle istifadəyə verilən Mehdiabad qəsəbə 400 şagird yerlik tam orta məktəb də görülən işlərin tərkib hissəsidir. Həyata keçirilən dövlət proqramı çərçivəsində rayon ərazisində iki məktəb və iki tədris korpusu tikilib istifadəyə verilib. Çıxış edənlər isə onlara göstərilən diqqət və qayğıya görə prezident İlham Əliyev və Azərbaycanın birinci xanımı Heydər Əliyev Fondunun prezidenti Mehriban Əliyevaya minnətdarlıq ediblər. Daha sonra rayon rəhbəri cənab Zakir Fərəcov açılış rəmzini bildirən lenti kəsdi. Sinif otaqlarında və fənn kabinetlərində yaradılan şəraitlə tanış olub, şagird və müəllimlərlə səmimi söhbətlər aparıb, dəyərli tövsiyələrini verib. Məktəblə tanışlıq zamanı bildirildi ki, inşasına bu il başlanılan təhsil ocağı 3 mərtəbəlidir. 400 şagird yerlik binada tədris, inzibati heyət və idarətmə, sinifdən xaric məşğələlər, idman və şagirdlərin asudə vaxtlarının səmərəli təşkili üçün lazımı şərait yaradılıb. 35 müəllimin fəaliyyət göstərdiyi məktəb 20 sinif otağı, fənn kabinetləri, zəngin kitab fonduna malik kitabxana ilə tıəchiz olunub. Şagirdlərin informasiya-kommunikasiya texnologiyalarına yiyələnmələri üçün 2 kompüter sinfi, 2 laborotoriya yaradılıb. Məktəb daxilində yəməkxana, idman zalı, akt zalı və müxtəlif tədbirlərin keçirilməsi üçün hazır vəziyyətə gətirilib. Tədbir iştirakçıları daha sonra dərslərin gedişini izlədilər.
Baş redaktor: Şamo Əliyev
