Məlum olduğu kimi , Birləşmiş Millətlər Təşkilatının qəbul etdiyi qərara uyğun olaraq ,1978-ci ildən etibarən hər il sentyabr ayının sonuncu həftəsi “Beynəlxalq Dəniz Günü “ kimi qeyd edilir . Belə bir tədbirin keçirilməsində əsas məqsəd dünya ictimaiyyətinin , dövlətlərin və özəl sektorların diqqətini dənizlərin və onun bioresurslarının qorunmasına yönəltməkdir.
Ekoloji təqvimə daxil edilmış “ Beynəlxalq Dəniz Günü” nü davam etdiyi müddətdə Ekologiya və təbii Sərvətlər Nazirliyi (ETSN) də hər il müxtəlif tədbirlər keçirir – ictimaiyyətə su hövzələrinin zənginliyi barədə məlumat verilir, vətəndaşlara bu resursların qorunmasının vacibliyi təbliğ olunur.
Bu gün də, “Xəzər həftəsi” çərçivəsində nazirlik tərəfindən hazırlanmış tədbirlər planına müvafiq olaraq, Xəzər dənizinin Azərbaycan respublikasına mənsub 955 kilometrlik sahil zolağında –Nabran, Sumqayıt , Abşeron, Bakı, Neftçala, Lənkaran şəhər və rayonlarının ərazilərində vətəndaşların, yerli icra strukturlarının, təhsil müəssisələrinin və KİV nümayəndələrinin iştirakı ilə iməcliklər, “ dəyirmi masa” lar keçirilir , Xəzərin bioresurslarının artırılması istiqamətində görülmüş işlər barədə iştirakçılar məlumatlandırılır. Keçirilən bütün mədəni- kütləvi tədbirlər dənizin ekoloji cəhətdən saflığının və davamlığının qorunmasına , onun sərvətlərinin mühafizə olunmasına xidmət edir.
Belə tədbirlərdən biri də Abşeron rayonu mədəniyyət və turizm şöbəsində keçirildi. Tədbirdə Ekologiya və Təbii Sərvətlər Nazirliyinin əməkdaşı Elmar Musayev, Abşeron rayon mədəniyyət və turizm şöbəsinin müdiri İlham Manafov və rayon mədəniyyət müəssisələrinin rəhbər işçiləri iştirak etdilər.Tədbiri giriş sözü ilə açan rayon mədəniyyət şöbəsinin müdiri, əməkdar mədəniyyət işçisi İlham Manafov ekoloji mühitin sağlamlaşdırılması, mühafizəsi haqqında öz fikrini bildirdi və sözü Ekologiya və Təbii Sərvətlər Nazirliyinin əməkdaşı Elmar Musayevə verdi. ETSN-ın əməkdaşı, “Beynəlxalq dəniz” gününün məqsədi, Xəzərin ekoloji problemlərinin həlli və bu istiqamətdə həyata keçirilən layihələr barədə tədbir iştirakçılarına məlumat verdi.
Baş redaktor: Şamo Əliyev
