Noyabrın 11-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə əsas məqsədi yaşıllıq sahələrinin azalmasının yarada biləcəyi təhlükələrin qarşısını almaq və ağac əkilməsini təşviq edərək, ətraf mühitin mühafizəsinə töhfə verməkdən ibarət olan “Ümumrespublika Yaşıllaşdırma” marafonuna start verilmişdir. Marafon çərçivəsində Abşeron rayon icra hakimiyyətinin təşkilatçılığı ilə Abşeron rayonu Saray qəsəbəsində də ağac əkmə aksiyasına başlanılmışdır. Absheronxeber.az xəbər verir ki, rayonunun bütün kənd və qəsəbələrində olduğu kimi Saray qəsəbəsində də keçirilən aksiyada bələdiyyə işçiləri, ümumtəhsil məktəbləri, qəsəbənin ictimaiyyəti və sakinləri iştirak etmişlər. Qəsəbə sakinlərinin bu işdə böyük maraqla iştirak etməsi nəticəsində ərazidə ilkin olaraq 700-dən çox Eldar şamı və Sərv ağacı əkilib. Ümumilikdə I “Ümumrespublika Yaşıllaşdırma” marafonu çərçivəsində Saray qəsəbəsində 9 000-dən çox ağac əkilməsi nəzərdə tutulmuşdur.
Baş redaktor: Şamo Əliyev
