Yeni ilin gəlişinə abşeronlular həvəslə hazırlaşır. Abşeron rayonunda 31 dekabr Dünya Azərbaycanlılarının Həmrəyliyi Günü və Yeni il hazırlıqları artıq yekunlaşmaq üzrədir. Görülən işlər və yaradılan bayram əhval ruhiyyəsi rayonun gözəlliyinə daha da rənq qatıb.
Abşeron rayon İcra Hakimiyyəti tərəfindən hazırlanan xususi tədbirlər planına uyğun olaraq rayonun inzibati mərkəzi - Xırdalan şəhəri bayram libasına bürünüb. Park və meydanlar, küçələr, ictimai binaların, evlərin fasadları, eyvanlar bayramsayağı bəzədilib. Heydər Əliyev adına mədəniyyət və istirahət parkının gecə görüntüləri isə xüsusilə cəlbedicidir. Prospekt və küçələrdə quraşdırılan müasir işıqlandırma sistemi, rəngbərəng çilçıraqlar Xırdalanın hüsnünə əlavə rəng qatır.