Novruz bayramı ərəfəsində Abşeron rayonunda yaşayan şəhid, əlil, veteran, kimsəsiz və aztəminatlı ailələrə qayğı diqqət mərkəzində saxlanılıb. Abşeron Rayon İcra Hakimiyyəti tərəfindən əziz bayram münasibətilə rayonun kənd və qəsəbələrində yaşayan aztəminatlı ailələr üçün zəruri ərzaqlardan ibarət bağlamalar təqdim edilib.
Bayramla əlaqədar rayon icra hakimiyyətinin təşkilatçılığı ilə hazırlanmış ərzaq bağlamaları, ilk növbədə, yardıma ehtiyacı olanlar – şəhid, əlil ailələri, tənha, kimsəsiz və s. aztəminatlı ailələrin üzvləri üçün nəzərdə tutulub və iki gün ərzində, ümumilikdə, 550-dən çox ailəyə təqdim olunub.
