2019-2020-ci tədris ilində Abşeron Rayon Təhsil Şöbəsinin (RTŞ) tabeliyindəki ümumi təhsil məktəblərinin IX siniflərini 4279, XI siniflərini isə 2400 nəfər bitirir.
Rayon ərazisində 40 tam, 1 ümumi orta məktəb fəaliyyət göstərir. 62572 şagirdin təlim-tərbiyəsi ilə 4284 müəllim məşğul olur. Hal-hazırda ümumtəhsil məktəblərində 10 nəfər “Əməkdar müəllim” 10 nəfər isə “ Tərəqqi” medalı ilə təltif edilmiş müəllim çalışır.
Abşeron RTŞ-nın tabeliyindəki ümumi təhsil məktəblərini 7122 nəfər I sinfi başa vurur.
Təhsil sahəsinə göstərilən dövlət qayğısının bariz nümunəsidir ki, 2013-cü ildə Məmmədli kəndində 960, 2014-cü ildə Xırdalan şəhərinin “Abşeron Gənclər Şəhərciyi”ndə 600, Mehdiabad qəsəbəsində 400, 2016-cı ildə Masazır kəndinin “Yeni Bakı” yaşayış massivində 760 (Heydər Əliyev Fondu tərəfindən inşa edilib ), 2017-ci ildə Masazır kəndinin “Qurtuluş”yaşayış massivində 1200 (Heydər Əliyev Fondu tərəfindən inşa edilib ), 2018-ci ildə Mehdiabad qəsəbəsində 1200 şagird yerlik məktəblər tikilib istifadəyə verilmişdir. Ümumilikdə son 15 ildə rayon ərazisində 20 ümumtəhsil məktəb inşa edilmiş, şagirdlərin və müəllimlərin istifadəsinə verilmişdir.
