Bugün Abşeron rayon Heydər Əliyev Mərkəzində Böyük Vətən Müharibəsi iştirakçısı olan 3 Abşeronlunun 90 illik yubileyi qeyd olundu.Rayon İcra Hakimiyyəti Başçısı cənab Zakir Fərəcov və Veteranlar ilk növbədə Ulu Öndər Heydər Əliyevin büstü önünə gül dəstələri qoyaraq onu yad etdilər.Daha sonra tədbir möhtəşəm şənliklə davam etdi.
Tədbiri Azərbaycan Respublikası Abşeron rayon Müharibə , Əmək ,Silahlı Qüvvələr və Hüquq-Mühafizə Orqanları Veteranları Şurasının sədri Qabil Qocayev açdı.O, öz çıxışına cənab prezident İlham Əliyevin Veteranlara olan diqqət və qayğısı haqqında məlumat verməklə başladı.Bildirdi ki,cənab prezident hər zaman "Veteranlar bizim qızıl fondumuzdur" deyir. O , qeyd etdi ki, 1941-1945-ci illərdə baş verən Dünya Müharibəsində 11 000 Azərbaycanlı qadın iştirak edib.Abşerondan müharibəyə gedənlərin sayı isə 1725 nəfər olmuşdur.Onlardan Nəsirov Yusif, Qədirova Lidiya, Aşurov Abdulun bu il 90 illik yubileyləridir.
Tədbirdə Azərbaycan Respublikası Müharibə , Əmək ,Silahlı Qüvvələr və Hüquq-Mühafizə Orqanları Veteranları Şurasının sədr müavini Kamal Əliyev iştirak edirdi.O, çıxış edərək Veteranları təbrik etdi.Bildirdi ki, Azərbaycanda Böyük Vətən Müharibəsi Veteranlarının 320 nəfərinin bu il 90 illik yubileyidir.Onların bu yubiley tədbirlərinin təntənəli qeyd olunmasında Abşeron I yerdə dayanır.Çıxışında onuda qeyd etdi ki, növbəti 2015-ci il Böyük Vətən Müharibəsi İli elan olunmuşdur.O, Abşeronlu Veteranları Fəxri Fərmanla təltif etdi.
Daha sonra Rayon Ağsaqqallar Şurasının sədri Nadir Ağayev Veteranları təbrik etdi.
Rayon İcra Başçısı cənab Zakir Fərəcov Veteranları xüsusi təbrik etdi.O, Veteranlara 100 illik yubileylərini də elə bu mərkəzdə qeyd etməyi arzuladı.Hər zaman Veteranları diqqətdə saxlamağı , onların hər dərdinə şərik olmağı özünə borc bildiyini qeyd etdi.Rayon rəhbəri Veteranların hər birini pul mükafatı ilə təbrik etdi.
Veteranlardan Lidiya Qədirova Azərbaycanda yaşadığı üçün qurur duyduğunu, azərbaycanlıların ona olan səmimi münasibətlərini, abşeronluların ona heç bir problemdə köməklikdən çəkinmədiklərini qeyd edərək kövrəldi və minnətdarlıq etdi.
Tədbir müxtəlif musiqi və rəqs nümunələri ilə davam etdi.
Redaktor:Çinarə Sadıxova
