Abşeron Rayon İcra Hakimiyyətinin başçısı İradə Gülməmmədova II Qarabağ müharibəsində şəhid olan Həsənov Cavid Mikayıl oğlunun evinə gedərək ailəsinə baş çəkib. Rayonun Masazır qəsəbəsində yerləşən evlərində şəhidin atası Mikayıl Həsənov və anası Mirvari Həsənova ilə görüşən başçı ailənin qayğıları və problemləri ilə maraqlanıb.
Bildirilib ki, şəhidin atası da I Qarabağ müharibəsinin iştirakçısıdır və döyüş zamanı aldığı yaralardan 2-ci qrup əlil olub. Oğul Cavid Həsənov da atasının yolunu gedərək işğal altında olan torpaqlarımızın azadlığı uğrunda silaha sarılaraq cəbhəyə yollanıb. 1993-cü il martın 6-da dünyaya göz açan qəhrəmanımız II Qarabağ müharibəsində igidliklə döyüşərək şəhidlik zirvəsinə yüksəlib.
Ailənin sosial vəziyyəti nəzərə alınaraq RİH tərəfindən maddi yardım göstərilib.
Allah rəhmət eləsin!