Abşeron rayonunun Xırdalan şəhərində şəhidlərimizin əziz xatrirəsini əbədiləşdirmək məqsədi ilə Bulaq Kompleksi yaradılıb. Əmək və Əhalinin Sosial Müdafiəsi Nazirliyi tabeliyində Dövlət Sosial Müdafiə Fondunun Abşeron rayon Xdimət Nümayəndəliyinin qarşısında “Şəhidlərin xatirəsinə” salınan bulağın ətrafı abadlaşdırılıb. 5 ədəd iri oturacqlar quraşdırılıb. Ağaclar budanaraq əhənglənib. Səki daşları təmir olunaraq rənglənib.
Bu gün Abşeron Rayon İcra Hakimiyyətinin və Abşeron rayon Xdimət Nümayəndəliyinin əməkdaşlarının birgə iştirakı ilə Bulaq Kompleksinə baxış keçirilib, bulağın suyundan içilib, şəhidlərimizin əziz xatirələri ehtiramla yad edilib, onlar üçün dualar oxunub.
Nümayəndəliyin drektoru Cahandar Axundov bildirib ki, cənab Prezident İlham Əliyevin müdrik qərarları və qətiyyəti sayəsində Azərbaycan düşmən üzərində qalib gəlib. Şəhidlərin və qazilərin sayəsində erməni tapdağında olan torpaqlarımızın işğalına son qoyulub. Ona görə də hər bir azərbaycanlının şəhidlərimizin xatirəsinin əbədiləşdirilməsi üçün əlində gələni etməli olduğunu qeyd edən C.Axundov bulağın daxili imkanlar hesabına yaradıldığını deyib.
Qoy, bu sudan içən hər kəs şəhidlərimizə “Allah rəhmət eləsin” desin. Çünki bu gün onların sayəsində suyumuzu təhlükəsiz və azad şəkildə içirik.
