2015-ci il yanvarın 23-də Ceyranbatan qəsəbə inzibati ərazi dairəsi üzrə nümayəndəliyin inzibati binasında Abşeron Rayon İcra Hakimiyyəti başçısının Ceyranbatan qəsəbə inzibati ərazi dairəsi üzrə nümayəndəliyinin 2014-cü ildəki fəaliyyətinə dair hesabat yığıncağı keçirildi.
Hesabat yığıncağında Rayon İcra Hakimiyyəti başçısının müavini Faiq Kərimov, Rayon İcra Hakimiyyəti başçısı Aparatının məsul işçiləri, ərazi üzrə xidmət sahələrinin rəhbərləri və 85 nəfər qəsəbə sakini iştirak etdi.
Yığıncağı
giriş sözü ilə Rayon İcra Hakimiyyətinin başçısının müavini Faiq Kərimov açdı.
Sonra Rayon İcra Hakimiyyətinin başçısının Ceyranbatan qəsəbə inzibati ərazi dairəsi üzrə nümayəndəsi Yusif Əhmədov hesabat məruzəsi ilə çıxış etdi.
Hesabat yığıncağında Abşeron Rayon İcra Hakimiyyəti başçısının müavini Faiq Kərimov nümayəndəliyin 2014-cü ildə gördüyü işlərə münasibət bildirərək, fəaliyyətinin qənaətbəxş olduğunu, lakin bəzi nöqsanların da mövcudluğunu qeyd etdi.
Məruzə ətrafında qəsəbə sakinlərindən Gülağa Babayev, Abbas Yadiyarov,Marif Sultanov,Əbdül Qənbərov və başqaları çıxış edərək öz münasibətlərini bildirdilər.
Hesabat yığıncağının sonunda qərar layihəsi oxundu.
