Abşeron Rayon İcra Hakimiyyəti, Abşeron Rayon Gənclər və İdman İdarəsi, Abşeron Rayon Mərkəzi Xəstəxanasının və Abşeron Rayon Təhsil Şobəsinin birgə təşkilatçılığı ilə “Azərbaycan Respublikasında qeyri-infeksion xəstəliklərlə mübarizəyə dair 2015-2020-ci illər üçün Strategiya”nın 9.2.1 bəndinin icrası və ümumtəhsil müəssisələrində fiziki aktivliyin təbliği ilə bağlı Abşeron məktəbliləri arasında “Şahin” hərbi–idman yarışlarına start verilib.
Novxanı qəsəbəsindəki 1 saylı tam orta məktəbdə baş tutan yarış böyüməkdə olan gənc nəslin hərbi vətənpərvərlik tərbiyəsinə diqqət və qayğını daha da artırmaq, məktəb şagirdlərini hərbi-idman oyunlarına cəlb etməklə onların ordu sıralarında xidmətə hazırlanmasına kömək göstərmək və fiziki aktivliyini artırmaq məqsədi daşıyıb.
Keçirilən yarışda 34 ümumtəhsil ocağı iştirak edib. Şagirdlər hərbi keçid, sıra duruşları, sağ- sol dönmələr, müxtəlif hərbi gedişləri böyük ruh yüksəkliyi ilə nümayiş etdiriblər.