Bügün 21 Fevral Büynəlxalq Ana Dili günüdür.Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Ana dili millətin özünəməxsusluğunu qorumaqla yanaşı, tərcümə vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan yaradır.
Rayonumuzun Saray qəsəbə 3 nömrəli tam orta məktəbinin şagirdləri Ana Dili günü münasibəti ilə tədbir hazırlamışdılar.Tədbir məktəbin kitabxana işçisi Gülnar Sultanova və Azərbaycan dili və ədəbiyyatı müəllimi Nuranə Vəliyevanın birgə fəaliyyəti ilə "Dilimiz mənliyimizdir" başlığı altında hazırlanmışdır.Tədbirdə məktəbin bütün sinif səviyyələri üzrə şagirdlər iştirak edirdi.Onlar dilin dəyərini göstərən müxtəlif tarixi səhnəciklərlə, dili sevdirən şeirlərlə tamaşaçıları heyran qoydular.
Tədbirdə Abşeron rayon Təhsil Şöbəsinin müdir müavini Pərviz Əhmədov və şöbənin metodisti Çinarə Sadıxova iştirak edirdi.
Məktəbin direktoru Təyyibə Hüseynova çıxış edərək qonaqları salamladı və şagirdlərə dilimizi bu qədər sevərək tədbir, hazırladıqları üçün onları alqışladığını bildirdi.
Dilimizi sevək və sevdirək ki, bir millət, bir xalq olaraq unudulmayaq.Dil millətin şəxsiyyətidir, onun gen kodlarından biridir.
Redaktor:Çinarə Sadıxova
