Ömrünü təbiətə həsr etmiş və onun qorunması ilə bağlı “Həyəcan təbili” çalmış akademik
Həsən Əliyev deyirdi: “Sağlam və gözəl təbiət insana nəinki yeni fiziki qüvvə verir, habelə onun ağlına, zehninə təsir edir, insanda özünə inam hissini, yaradıcılıq şövqünü artırır...”. Odur ki, Rayonumuzda təbiətin zənginləşdirilməsinə ciddi diqqət yetirilir. İqtisadiyyatın sürətli inkişafı, rayon rəhbərliyinin qayğısı ətraf mühit problemlərinin həllinə geniş imkanlar yaradır
Rayon rəhbəri cənab Zakir Fərəcovun tapşırıq və tövsiyələrinə uyğun olaraq Abşeron rayonunda ətraf mühitin qorunması, ekoloji vəziyyətin yaxşılaşdırılması istiqamətində mühüm tədbirlər görülür. Yeni yaşıllıq zolaqlarının salınması və ekoloji tarazlığın qorunması sahəsində görülən işlər, keçirilən iməciliklər öz bəhrəsini verir.Abşeronda təbiətin zənginləşdirilməsi ilə yanaşı, ağaclara qulluq işi də yaxşı təşkil olunmuşdur.
Ölkə Prezidenti cənab İlham Əliyevin abadlıq-quruculuq işlərinin genişləndirilməsi ilə bağlı verdiyi tapşırıq və tövsiyələr Abşeron rayonunda da öz bəhrəsini verməkdədir. 2014-cü ildə Abşeron rayonun şəhər, qəsəbə və kəndlərində genişmiqyaslı abadlıq və quruculuq işləri görülmüş, böyük infrastruktur layihələri həyata keçirilmişdir.
Rayonda irimiqyaslı layihələr çərçivəsində Bakı-Sumqayıt və Bakı-Şamaxı magistral yollarının Abşeron rayonu ərazisindən keçən hissəsində yolun hər iki kənarında geniş abadlıq, müasir və zövqoxşayan üslübda yenidənqurma işləri aparılmışdır. Bununla əlaqədar 350 min kv.metrdən çox sahədə yaşıl ot (qazon), 500 minə yaxın gül, 20 mindən çox dekorativ kol və ağac əkilmişdir. Yaşıllıqların suvarılması məqsədilə 110 km uzunluğunda su xətti çəkilmişdir.
Ölkəmizdə ekologiyanın qorunması və ətraf mühitin mühafizəsi ilə əlaqədar xüsusi tədbirlər həyata keçirilməkdədir. Abşeron rayonunda da ekoloji tarazlığın qorunması və yaşıllıqların artırılması daim diqqət mərkəzində saxlanılır. Ötən il “İDEA” ictimai birliyinin təşəbbüsü ilə “Ümumrespublika Yaşıllaşdırma” marafonu çərçivəsində rayonda genişmiqyaslı ağacəkmə kompaniyası həyata keçirilmişdir.
Ümumilikdə ötən il rayon ərazisində 1 milyondan çox ağac və gül kolları əkilmişdir. Belə tədbirlərin cari ildə də davam etdirilməsi nəzərdə tutulmuşdur.
Baş redaktor: Şamo Əliyev
