Elimsiz həyatı təsəvvür etmək çox çətindir. Yetər ki, sadəcə çönüb ətrafımızdakı yenilikləri , insan əməyinin yaratdığı xaruqələri görək. Elimsiz insan meyvəsiz ağac kimi deyiblər.Əgər bənzətmə etsək , müəllim bir bağban şagird isə bar verən ağac kimidir.
Xırdalan şəhər 2 saylı tam orta məktəbin kimya müəllimi Abdullayeva Minayə Sabir qızı belə bağbanlardan onun yetişdirdiyi həmin məktəbin XI sinif şagirdi Kərimov Mustafa Faiq oğlu belə meyvələrdən biridir. Doğurdan da qürurlanmağa dəyər. 1991- ci ildə hal-hazıra kimi Xırdalan şəhər 2 saylı tam orta məktəbində kimya müəllimi işləyən Minayə Abdullayeva özünündə dediyi kimi işlədiyi müddətdə şagirdlərə kimya fənnini sevdirməyə nail olmuşdur. Dərs dediyi şagirdlərdən çoxu Tibb Universitetin , Bakı Dövlət Universitetinin Kimya fakultəsinə , I qurub ixtisaslarına yüksək balla daxil olmuşlar. Əvvəlki illərin məzunlarından Hüseynov Qabil 683 bal , Əsgərli Nigar 680 balla Tibb Universitetinə daxil olaraq Prezident təqaüdünə layiq görülmüşlər. Minayə müəllimin onlarla şagirdin sorağı müxtəlif xarici ölkələrdən və respublikanın müxtəlif təhsil sahələrindən gəlir. Onlar arasında Əliyev Elvin Bakı Dövlət universitetinin Kimya fakultəsində oxuduğu illərdə “ İlin tələbəsi “ adına layiq görülmüş, hal-hazırda həmin universitetdə Elmi işçi vəzifəsində çalışır. Bu günlər də yuxarıda sadaladığmız nailliyətlərin sahibi olan barlı ağacların sırasına yeni bir fidan da əkdi . Dərs dediyi XIa şagirdi Kərimov Mustafa 47-ci Beynəlxalq Kimya Olimpiadasının Respublika mərhələsində iştirak etdi. IX sinifdən fənn olimpiadalarında uğurla iştirak edən Kərimov Mustafa onda texniki fənlərə marağa görə riyaziyyat, fizika, kimya və biologiya müəllimlərinə hal-hazırda IV ixtisas qrupuna hazırlaşan bu gənc oğlan gələcəkdə peşəkar bir həkim olmaq arzusundadır. Çox maraqlıdır ki, Mustafa öz təhsilini qardaş Türkiyənin tanınmış Tibb Universitetlərində birində almaq istəyir. O bu yaxınlarda 47-ci Beynəlxalq Kimya Olimpiadasında iştirak edərək hədəfinə daha da yaxınlaşdığını isbat etdi. Rayon və zona mərəhləsində müvəffəqiyytlə keçib, Respublika mərhələsində iştirak etmək hüququ qazanan həmçinin biologiya fənni üzrə Respublika Fənn Olimpiadasında iştirak edəcək Mustafa təhsil aldığı Xırdalan şəhər 2 saylı tam orta məktəbə və dərs aldığı müəllimlərinə minnətdardır.
Baş redaktor: Şamo Əliyev