“Neftçi”nin futbolçusu Slavik Alxasov müsahibə verib.
- Bu düzdür ki, “Xəzər Lənkəran”la müqaviləni razılaşdırmısan?
- İndi ilk dəfədir ki, sizdən eşidirəm. Təzə xəbərdi? Sizdə hardandı?
- Qış fasiləsi yarandığı üçün belə informasiyalar normaldır. Bildirilib ki, Mustafa Dənizli sənin oyununu bəyənib və komandasında görmək istəyir.
- Mənim heç nədən xəbərim yoxdur. İndi sizdən eşidirəm. Ola bilər ki, istəsin. Amma mənə heç kim heç nə deməyib.
- Ümumiyyətlə, belə bir şey olsa, necə münasibət göstərəcəksən?
- Hələ ki, şokdayam. Mənim “Neftçi” ilə 2 illik müqaviləm var. Mən onlara məxsus futbolçuyam.
- Səncə, bu söhbət niyə yaransın və niyə məhz sənin adın hallansın?
- Nə bilim, yəqin ki, xoşlarına gəlmişəm. Amma, hələki bu barədə heç nə deyə bilmərəm.
- Slavik, biraz reallığa baxaq. “Sumqayıt”da 60-a yaxın oyun keçirmisən. Səncə “Neftçi”yə qayıtmaqla karyeran təhlükəyə girmiş olmayacaq?
- Hətta 60-dan çox oyun keçirmişəm. Hər şey Allahdan asılıdır. Allah bilən məsləhətdir. Mən belə düşünmürəm. “Neftçi”də daha yaxşı olacaq inşaallah.
Elməddin Əmirov
- Əyani bir misal çəkim. Eşqin Quliyev “Sumqayıt”da kapitan idi. Qayıtdı “Neftçi”yə və batdı. Yəni, icarədə oynamaqla daha çox gündəmdə qala bilərsən, nəinki “Neftçi”yə qayıtmaqla…
- Qisməti belə imiş deyək. Yenə də deyirəm, mən “Neftçi”yə məxsus oyunçuyam. Mənim müqaviləm var. Ona görə də heç nə deyə bilmərəm.
