Aprelin 29-da Topaz Premyer Liqasının XXV turuna yekun vurulub.“Kapital Arena”da keçirilən qarşılaşmada “Sumqayıt” gözlənilmədən “Səbail”ə məğlub olub. Oyunun ilk dəqiqələrindən hücuma keçən meydan sahibləri rəqib komandanın qapısı qarşısında bir neçə təhlükəli vəziyyət yaradıb. Buna baxmayaraq, hesabı “Səbail” klubu açıb. Matçın 32-ci dəqiqəsində Farouk Miya fərqlənib – 0:1. Qoldan yeddi dəqiqə sonra qonaqlar hesab arasındakı fərqi artırıblar. Akşin Qurbanlı adını tabloya yazdırıb – 0:2. Birinci hissə bu hesabla başa çatıb.
Fasilədən sonra 76-cı dəqiqədə meydan sahibləri qollardan birinin əvəzini çıxıblar. Amil Yunanovun vurduğu qolla hesab 1:2 olub. Bu, milli komandanın hücumçusunun cari çempionatda vurduğu 8-ci qol olub. Rəvan Həmzəzadənin idarə etdiyi oyun qarşılıqlı hücumlar şəraitində keçsə də, hesab dəyişməyib. Beləliklə, matç “Səbail” klubunun 2:1 hesablı qələbəsi ilə başa çatıb.
Turnir cədvəlinə vaxtından əvvəl çempionluğu bayram edən “Qarabağ” 62 xalla başçılıq edir, “Qəbələ” 45 xalla ikinci, “Sumqayit” isə 39 xalla üçüncü sıradadır.
