Ulu Öndər Heydər Əliyevin anadan olmasının 96-cı ildönümünə həsr olunmuş İdmanın Futbol növü üzrə rayon birinciliyinə yekun vurulub. Mayın 9-da Abşeron Olimpiya İdman Kompleksində Ümummilli Lider Heydər Əliyevin anadan olmasının 96-cı ildönümünə həsr olunan rayonun ümumtəhsil məktəblərinin komandaları arasında idmanın futbol növü üzrə rayon birinciliyinin final oyunu keçirilib.
Abşeron rayon Gənclər və İdman idarəsinin təşkilatçılığı ilə keçirilən yarışda rayonun 41 ümumtəhsil məktəblərinin futbol komandaları iştirak ediblər.
Aprel ayının 25-dən start götürən birinçilikdə komandalar 1/4final, yarımfinal və final mərhələsində yarışıblar. Gərgin idman mübarizəsi ilə keçən yarışın oyunların nəticələrinə görə final oyununa vəsiqə qazanmış Xırdalan şəhər 2 nömrəli tam orta və Masazır qəsəbə 3 nömrəli tam orta məktəblərinin komandaları iştirak ediblər. Oyun Xırdalan şəhər 2 nömrəli tam orta məktəbin komandasının qələbəsi ilə başa çatıb.
Yarışda fərqlənən idmançılar və qalib gələn komandalar rayon Gənclər və İdman idarəsi tərəfindən diplom , kubok və hədiyələrlə mükafatlandırılıblar.
Şamo Əliyev
