Azərbaycanda bu cür futbol yarışlarının davamlı olmasını arzulayıram. Biz iyulda Avropa Gənclər Yay Olimpiya Festivalının da bu cür izdihamla izləniləcəyinə ümidvarıq.
Dövlətimizin başçısının idmana göstərdiyi diqqət və qayğını vurğulayan müsahibimiz yarışın təşkilatçılığının yüksək səviyyədə olduğunu, ümumiyyətlə, Azərbaycanın möhtəşəm idman tədbirlərinə ev sahibliyi etdiyini deyib. Qeyd edib ki, ölkəmizdə bu cür iri miqyaslı oyunların keçirilməsi çox böyük uğurdur.
