“Xəzər Lənkəran” klubunun yeni baş məşqçisi olacaq Mustafa Dənizli hər kəsi intizarda saxlamaqda davam edir. Con Toşakın istefasından sonra Azərbaycana gəlmiş və vəziyyətlə tanış olmuş Türkiyə futbolunun əfsanəsi hələ ki, rəsmi müqaviləyə imza atmayıb.
Mübariz Mənsimovla görüşü yubanan mütəxəssisin bu gün Lənkəranda keçiriləcək “Xəzər Lənkəran” – AZAL matçını izləyib-izləməyəcəyi də məlum deyil.
Bu barədə cənub klubunun mətbuat xidmətinin rəhbəri Hüseyn Cəbrayıloğlu məlumat verib: “Mustafa Dənizlinin “Xəzər Lənkəran” – AZAL matçını izləyib-izləməyəcəyi tam dəqiqləşmiş məsələ deyil”.
Qeyd edək ki, “Xəzər Lənkəran”ı AZAL ilə oyuna Emin Quliyev çıxaracaq.
