Azərbaycan BMT-nin Ərzaq və Kənd Təsərrüfatı Təşkilatı (FAO) ilə dörd yeni layihə reallaşdırmağı planlaşdırır.
Bunu Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin rəisi Mirzə Əliyev qoyunçuluğun inkişafı və iri buynuzlu mal-qaranın damazlıq tərkibinin yaxşılaşdırılması üzrə iki layihənin təqdimatına həsr olunmuş seminar zamanı deyib.
O qeyd edib ki, Azərbaycan kənd təsərrüfatı sahəsində FAO ilə uğurla əməkdaşlıq edir:
“Biz FAO ilə bir sıra layihələr həyata keçiririk. Gələcəkdə daha dörd birgə layihə reallaşdırmağı planlaşdırırıq”.