Azərbaycan Respublikası Prezidentinin 2011-ci il 27 dekabr tarixli 1938 nömrəli Sərəncamı ilə təsdiq edilmiş “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”na uyğun olaraq 45 saylı Abşeron Seçki Dairəsi tərəfindən 15-17 oktyabr 2019-cu il tarixlərdə seçki hüququ üzrə ixtisaslaşdırılmış üç günlük kursun keçirilməsinə başlanılmışdır.
15 oktyabr 2019-cu il tarixdə 45 saylı Abşeron Seçki Dairəsinin inzibati binasında Azərbaycan Respublikası Prezidentinin 2011-ci il 27 dekabr tarixli 1938 nömrəli Sərəncamı ilə təsdiq edilmiş “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”na uyğun olaraq “Seçici siyahıları ilə işin aparılması, seçkiqabağı təşviqatın aparılmasına şərait yaradılması, bildirişlərin seçicilərə çatdırılması və.s bu kimi istiqamətdə yerli icra və bələdiyyə qurumlarının rolu və onların seçki komissiyaları ilə səmərəli qarşılıqlı əlaqələrin qurulması” mövzusunda kurs keçirilib. Kursun işində Rayon İcra Hakimiyyəti başçısının müavini İlham Quluyev iştirak edib.
İclasda məruzə ilə çıxış edən İ.Quluyev Azərbaycan Respublikasının Seçki Məcəlləsində və “Yerli İcra Hakimiyyətləri Haqqında Əsasnamə”də seçki prosesində rayon İcra Hakimiyyəti və onun tabeliyində olan qurumların üzərinə düşən vəzifələrin nəzərdə tutulduğunu diqqətə çatdıraraq, ötən seçkilər zamanı Abşeron rayonunda bu vəzifələrin layiqincə yerinə yetirildiyini bildirib. Seçki komissiyaları üçün lazımi iş şəraitinin yaradılması və seçicilərin rahat səsverməsinin təşkili üçün normal şərait yaradıldığını bildirən İ.Quluyev seçici siyahılarının dəqiqləşdirilməsində nümayəndəlik və bələdiyyələrin böyük köməklik göstərdiyini diqqətə çatdırıb. Bu köməkliyin davam etdiriləcəyi qeyd olunmaqla seçici siyahılarının seçki gününə qədər dəqiqləşməsinin vacibliyi vurğulanıb.Təşviqatın aparılması məqsədilə namizədlərə bərabər şərait yaradılması məqsədilə təşviqat lövhələri üçün müvafiq yerlər ayrılmış və təşviqat üçün açıq və qapalı yerlər müəyyən olunmuşdur. Seçicilərə bildirişlərin paylanılması üçün lazımi köməklik olunacağı qeyd edilmişdir.
Çıxışı zamanı İ.Quluyev 27 dekabr 2019-cu il tarixdə Respublikada keçirilən bələdiyyə seçkilərinin Abşeron rayonunda da yüksək səviyyədə , heç bir neqativ hallara və qanun pozuntusuna yol vermədən həyata keçiriləcəyinə əminliyini ifadə edib.
