2000-ci il dekabrın 20-də BMT-nin Baş Assambleyası 55/201 nömrəli qətnaməyə əsasən 22 may tarixini Bioloji müxtəliflik üzrə Konvensiyanın qəbul olunması, həmçinin “Beynəlxalq bioloji müxtəliflik günü” elan etmişdir. Əvvəllər isə 19 dekabr 1994-cü il tarixli, 44/119 nömrəli qətnamə ilə həmin gün dekabrın 29-da qeyd olunu
2001-ci il dekabr ayının 21-də isə bitkilərin, heyvanların və mikroorqanizmlərin genetik ehtiyatlarının yox olması təhlükəsinin qarşısını almaq üçün kompleks tədbirlərin həyata keçirilməsini təmin etmək məqsədilə Azərbaycan Respublikası Prezidentinin sərəncamı ilə Bioloji müxtəlifliyin genetik ehtiyatları üzrə Dövlət Komissiyası təsis olunub. Bütün bunlar isə biomüxtəlifliyin qorunmasının və mühafizə edilməsinin taleyüklü bir məsələ olduğunu göstərir.
Təsadüfi deyil ki, Azərbaycan Respublikasının Prezidenti İlham Əliyev ölkəmizdə biomüxtəlifliyin qorunub saxlanılmasının strateji önəm daşıdığına diqqəti cəlb edərək: “Azərbaycanın uğurlu iqtisadi inkişafı artıq gerçəklikdir, faktdır və gələcəkdə bizə böyük imkanlar gətirəcəkdir. Ancaq insanların sağlamlığı, ekoloji vəziyyət, udduğumuz hava, içdiyimiz su bütün bunlara biz çox böyük diqqət göstərməliyik”,- deyib.
22 May 2014-cü il tarixində Masazır kəndində 22 May Beynəlxalq Biomüxtəliflik Günü”nün qeyd olunması ilə bağlı Abşeron rayon təhsil şöbəsinin təşkilatçılığı ilə tədbir keçirilmişdir.Tədbirdə təhsil şöbəsinin işçiləri ilə yanaşı Masazır 3 saylı məktəbin direktoru Səidə xanım və məktəbin müəllim kollektivi iştirak edirdi.Tədbirdə iştirak edən müəllimlər masazır kəndində ağac əkmək aksiyası keçirdilər.Aksiyada 100-dən çox yeni ağac əkildi.
Abşeron Xəbərə müsahibə verən Abşeron rayon təhsil şöbəsinin işçisi Çinarə Sadıqova və Masazır 3-saylı məktəbin direktoru Səidə Kəlbəliyeva qeyd etdilər ki,rayonumuzda biomüxtəlifliyin qorunub saxlanılması istiqamətində dövlət səviyyəsində həyata keçirilən tədbirlər Azərbaycanın dünyada biomüxtəlifliyin qorunub saxlanılmasına nə qədər böyük diqqət və qayğı göstərdiyinin subutudur. Bu isə öz növbəsində qədimlərdən günümüzə qədər gəlib çatan zəngin flora və faunamızın gələcək nəsillərə çatdırılacağına ümidlə baxmağa imkan verir.
