Müdafiə Nazirliyinin Abşeron rayonu ərazisində yerləşən “N” saylı hərbi hissəsində keçirilən “2 Fevral – Gənclər Günü” tədbirində Abşeron Rayon İcra Hakimiyyətində təcrübə keçən könüllülərin adından hərbi hissəyə Azərbaycan və dünya ədəbiyyatına, mədəniyyətinə, tarixinə aid 500 kitab hədiyyə edilib. Hər bir kitabın içərisində isə Abşeronlu könüllülərin əsgərlərə yazdıqları məktublar yer alıb.
Əsgərlərlə görüşdə çıxış edən Abşeron rayon Gənclər və idman idarəsinin rəsi Əsgər Əmirəliyev və könüllülərin rəsmisi Şamo Əliyev Abşeron RİH başçısı İradə Gülməmmədovanın təşəbbüsü ilə reallaşan aksiyanın mütəmadi olaraq davam edəcəyini və toplanmış kitabların müxtəlif hərbi hissələrə göndəriləcəyini diqqətə catdırıblar.
Hərbi hissə komandanlığı çıxışında Abşeron rayon İcra Hakimiyyəti rəhbərliyinə , hərbi hissə ilə Abşeron gəncləri arasında mövcud olan əlaqələrin daha da möhkəmləndirilməsi və “Əsgərə kitab” aksiyasına görə minnətdarlığını bildirib.
