Xırdalan şəhəri Heydər Əliyev adına mədəniyyət və istirahət parkında “Alovlu Qafqaz” Uşaq və Gənclərin Beynəlxalq Rəqs və Yaradıcılıq Festivalı keçirilib. Festival Abşeron Rayon İcra Hakimiyyəti və Abşeron Rayon Mədəniyyət Mərkəzinin birgə təşkilatçılğı ilə keçirilib.
Festivalda Azərbaycan və Gürcüstanı təmsil edən folklor kollektivləri və rəqs ansablılarının kollektivləri bir-birindən maraqlı geniş konsert proqramı ilə çıxış ediblər.
Konsertin sonunda çıxış edənlərdən Sumqayıt Regional Mədəniyyət idarəsinin baş məsləhətçisi və Abşeron rayon üzrə nümayəndəsi İlham Manafov , rayon Mədəniyyət Mərkəzinin direktoru Arif Vəliyev və Quba şəhər Uşaq və Gənclər İnkişaf Mərkəzinin direktoru Ramin Məmmədli çıxış edərək göstərdiyi dəstəyə görə Abşeron Rayon İcra Hakimiyyətinə təşəkkürlərini bildiriblər.
Qeyd olunub ki, ölkəmizin tarixi irsi, mədəniyyəti, milli adət-ənənələri, xalq yaradıcılığı və folklorunu dərindən öyrənmək məqsədilə keçirilən rəqs bayramı, eyni zamanda, mədəni irsin uşaq və gənclər arasında daha geniş təbliğinə, rəqslərimizi tanıtmağa, xoreoqrafiya sənətini daha da inkişaf etdirməyə, beynəlxalq mədəni əlaqələri gücləndirməyə imkan verəcək.
Şamo Əliyev