Məlahətli səsi ilə çoxlarının qəlbinə yol tapan Sabir Ağayev gələcəyimizin ən parlaq muğam ifacılarından hesab etmək olar. Az yaşlı olmağına baxmayaraq bir çox sənətçilərin sevimlisinə çevrilən S.Ağayevin tərcümeyi halını sizlərə təqdim edirik:
Sabir İlkin oğlu Ağayev 2009-ci il iyun ayının 13-də Xırdalan şəhərində ziyalı ailəsində anadan olub. 2014-ci ildə Xırdalan şəhər 1 nömrəli tam orta məktəbin 1-ci sniffinə daxil olub, hal hazırda 5-ci sinif şagirdidir. Eyni zamanda Abşeron rayon Xırdalan şəhər Onbirillik Musiqi Məktəbinin 3-cü sinfində, “Muğam” şöbəsində təhsil alır. Bu ilin noyabr ayında ATV-də yayımlanan “Azərbaycanın səsi- bala” layihəsinin finalcısı olub və diplomla təltif olunub.Sabirin ən böyük uğurlarından biridə 2019-cü il oktyabr ayının 12-də Azərbaycanın Əməkdar artisti Yaqub Zurufçunun Heydər Əliyev Sarayında baş tutan solo-konsert proqramında xalq artisti Ağaverdi Paşayevın rəhbərliyi ilə Xalq Çalğı Alətləri Orkestrində ifası olub.
