Abşeron rayon Mərkəzi Xəstəxanasının baş həkimi xanım M.Z.Qaralovanın tapşırığı ilə mütəxəssis müayinələri yerlərdə, ambulator məntəqələrdə aparılır.
Növbəti maarifləndirmə aksiyası Ceyranbatan Həkimi Məntəqəsində keçirilib. Tədbir Ceyranbatan ambulatoriyasının baş həkimi Mustafayeva Günəş və Abşeron rayon Mərkəzi Xəstəxanasının baş həkim vəzifəsinin müvəqqəti icraçısı İsmixanova Əminə tərəfindən təşkil olunmuşdu. Toplantı əsnasında qastroenteroloq Quliyeva Ülviyyə “ Helibacter pylori, qastritin səbəbləri” oftalmoloq Ələkbərova Vüsalə “Diabetik retinopatiya və Quru göz sindromu”, həkim-laborant Süleymanova Şəfa “laborator müayinələrin əsası və vacibliyi “ haqqında əhaliyə geniş məlumat verdilər.
Helicobacter Pylori nədir? Son məlumatlara əsasən əhalimizin bir çox hissəsi HP infeksiyasına yoluxmuşdur. HP infeksiyası bəzən fərqinə varmadığımız qastritdən başlamış mədə xərçənginə qədər yol aça bilər. Bizim üçün ən önəmlisi odur ki, HP infeksiyası bizə necə yoluxur və əlamətləri hansılardır? HP yoluxma yolları əsasən hava-damcı vasitəsilə baş verir. HP müşahidə edilən xəstələrdə köpmə, mədədə qida qəbulundan sonra ağırlıq hissi, gəyirmə, bəzən isə gecə ağrıları olur. Əgər bu şikayətlər sizdə müşahidə olunarsa, həkimə müraciət etməyiniz mütləqdir. Müayinələr nəticəsində məlum olmuşdur ki, vaxtında bu infeksiyasının aşkar olunması və müalicəsi mədə xərçənginin qarşısını almışdır.
Qəbul etdiyimiz qidaların arasına da HP infeksiyasını qarşısını alan müxtəlif məhsullar vardır.Bunlardan gündəlik həyatımızda çox istifadə edilən sarıkökü xüsusi qeyd etmək lazımdır. ABŞ alimlərinin çoxsaylı tədqiqatlarına əsasən sarıkökün tərkibində olan kurkumin maddəsi HP-yə bakterosid təsir edir. Müasir üsullarla Hp-ni qanda,əsasən nəfəs testi, nəcisdə hp antigeni vasitəsilə müayinə etmək olar.
Belə ki, əgər yuxarıda göstərilən əlamətlər sizdə də müşahidə olunarsa, həkimə müraciətiniz vacibdir. Çünki kənar şəxslərin məsləhəti ilə hər hansı bir preparatın qəbulu vaxtında ilkin xəstəliyin aşkar olunmasının qarşısını ala bilər.
