Bir neçə gün bundan önçə Abşeron Rayon İcra Hakimiyyətinin 2018-ci ilin birinci rübündə sosial-iqtisadi inkişafın yekunlarına və qarşıda duran vəzifələrə həsr olunan hesabatı yığıncağında Abşeron Rayon İcra Hakimiyyətinin başçısı İradə Gülməmmədovanın rayonun ərazisində ekoloji problemlərin həlli, ətraf mühitin qorunması, təbiətin zənginləşdirilməsi, yaşılıqların artırılması və qorunması haqqında verdiyi tapşırıq və tövsiyələr tibb işçiləri tərəfindən də razılıqla qarşılanıb və onlar bu işdə fəal iştirak edəcəklərini bildiriblər.
Artıq Abşeron rayonunda fəaliyyət göstərən tibb müəssisələrinin ərazilərində müxtəlif növ ağac və gül kollarının əkilməsi aksiyasına start verilib.Təşəbbüsə qoşulan tibb işçiləri tərəfindən Abşeron Rayon Poliklinikasının ərazisində ilkin olaraq 100-ə yaxın çinar və digər həmişəyaşıl ağac və gül kolları əkilib, yaşıllıqlara aqrotexniki qulluq göstərilib. Ərazi alaq otlarından təmizlənib.
Şamo Əliyev
228
0
743
0
