Müasir müstəqil Azərbaycanın bütün rayonları kimi, Abşeron da inkişafın yeni mərhələsini
yaşayır. Bu inkişafın təməlində ulu öndər Heydər Əliyevin əsasını qoyduğu, Azərbaycan
Respublikasının Prezidenti İlham Əliyevin uğurla davam etdirdiyi siyasət dayanır.
İqtisadi yüksəliş, sosial tərəqqi, mədəni intibah son illər Abşeronun tarixi reallıqlarıdır.
Abşeronlular bu reallıqlara dövlətimizin başçısı İlham Əliyevin yüksək diqqət və qayğısı
sayəsində nail olurlar. Son 10 ildə Prezident İlham Əliyev Abşerona 12 dəfə səfər etmişdir.
Bu müddətdə dövlət başçısı Abşeron rayonunun sosial-iqtisadi inkişafının sürətləndirilməsinə
dair 7 sərəncam imzalamışdır. Azərbaycan Respublikası Prezidentinin 2006-cı il 29 noyabr
tarixli Sərəncamına əsasən Xırdalan qəsəbəsinə şəhər statusu verilmişdir.
Azərbaycan Respublikasının Prezidenti İlham Əliyevin sərəncamlarına əsasən Abşeron
rayonunun sosial-iqtisadi inkişafında xidmətləri olan 1 nəfər “Şöhrət” ordeni, 1 nəfər “Vətənə
xidmətə görə” ordeninin 3-cü dərəcəsi, 56 nəfər “Tərəqqi” medalı ilə təltif edilmiş, 24 nəfərə
müxtəlif fəxri adlar verilmişdir.
