3 Dekabr "Dünya Əlillər Günü"dür.Bu gün 1992-ci ildə Rusiyanın təklifi ilə BMT-də qəbul edilmişdir.Bu günün keçirilməsində məqsəd Allah Təalanın yaratdığı bütün insanların cəmiyyətdə mövqeyini, cəmiyyətə inteqrasiyasını gücləndirmək məqsədi güdür.
Abşeron rayon Saray qəsəbə 3№-li tam orta məktəbin direktoru Teyyubə Hüseyinova qeyd etdi ki, biz bir müsəlman olaraq fiziki imkanları məhdud olan şəxslərə həmişə diqqət və qayğı göstərmişik.Dövlətimiz bu məqsədlə Azərbaycan konistitusiyasının 92-ci maddəsinə əsasən fiziki cəhətdən məhdud insanlara geniş imkanlar yaratmışdır.Ölkə prezidentinin və onun xanımının belə fiziki , əqli imkanları məhdud vətəndaşlara qayğı və diqqəti çox yüksəkdir.
Bu məqsədlə Saray qəsəbə 3№-li tam orta məktəbinin şagirdləri bu gün Saray qəsəbəsində yerləşən 7 saylı internat evinin sakinlərini sevindirdilər.Teyyubə xanımın təbirincə desək " Müasir gənclərdəki mərhəmət hissi o qədər yüksəkdir ki, onlar bu uşaqlarla daim ünsiyyətə can atır , vaxtaşırı onların ziyarətinə gəlirlər."
Teyyubə xanım onuda qeyd etdi ki, rayon rəhbərliyi mütəmadi olaraq internat evini ziyarət edir, öz qayğısını onlardan əsirgəmir.
İnternat məktəbinin psixiatoru Şəhla Mustafayeva öz çıxışında bildirdi ki, internat evi 1974-cü ildən fəaliyyət göstərir.Bu internat məktəbinin sakinləri qayğıya ehtiyacları olan zəif soydaşlarımızdır.Onlara internat evində İngilis dili, Rus dili, Kompyuter , Əmək ,Rəsm , Musiqi, İdman dərsləridə tədris olunur.
Onuda qeyd edim ki, Abşeron rayon Saray qəsəbə 7 saylı internat məktəbini ölkəmizin prezidenti İlham Əliyev və onun xanımı Mehriban Əliyeva da ziyarət etmişlər.
Redaktor: Şamo Əliyev və Çinarə Əliyeva