Bugun Qafqaz Universitetinin Mexanika Mühəndisliyi fakültəsinin laboratoriya kompleksinin açılışı olmuşdur.Bu laboratoriya “BP-Azərbaycan” şirkəti ilə Qafqaz Universiteti arasında bağlanan memoranduma əsasən qurulub.2011-ci ildə layihənin birinci mərhələsi olan Kimya mühəndisliyi laboratoriyaları istifadəyə verilib. Layihənin ikinci mərhələsi isə Mexanika mühəndisliyi ixtisasının Layihələndirmə və adekvat modelləmə, Təxribatsız sınaq üsulları, Material və metalloqrafiya, Materiallar müqaviməti, Aerodinamika və maye mexanikası, İstilik elmləri və İstilik keçiriciliyi, Emal üsulları, Daxili yanma mühərrikləri və Avtomobil, Mexaniki vibrasiya və səs nəzarəti, Avtomatik nəzarət, Mexanizmlər və maşın dinamikası laboratoriyalarının açılışı davam edəcək. İkimərtəbəli bina FAB boyalarının, laboratoriyaların avadanlıqları isə “BP-Azərbaycan” şirkətinin maliyyə dəstəyi ilə ərsəyə gəlib. Tədbirdə Azərbaycan Respublikası təhsil nazirinin müavini, Dövlət Neft Şirkətinin prezidenti Rövnəq Abdullayev, BP-nin Azərbaycan, Gürcüstan və Türkiyə regionu üzrə prezidenti, millət vəkilləri,Abşeron rayon İcra Hakimyyəti başçısının müavini – İctimai-siyasi və humanitar məsələlər şöbəsinin müdiri Gülməmmədova İradə ,ali təhsil müəssisələrinin rəhbərləri və digər rəsmi şəxslər iştirak etmişdir.
Baş Redaktor: Şamo Əliyev
