Bu gün gənclər üçün Abşeron rayon İcra Hakimiyyəti 31 Dekabr – Dünya Azərbaycanlılarının Həmrəylik Günü və Yeni il bayramına həsr olunmuş şənlik keçirib.İlk öncə Abşeron Rayon İcra Hakimiyyətinin Başçısının müavini – İctimai-siyasi və humanitar məsələlər şöbəsinin müdiri xanım İradə Gülməmmədova tədbiri giriş sözü ilə açaraq çıxışında bildirdi ki,
Əziz Abşeronlular!
Sizi 31 Dekabr – Dünya Azərbaycanlılarının Həmrəylik Günü və qarşıdan gələn Yeni il – 2014-cü il münasibətilə səmimi-qəlbdən təbrik edirəm. Dünya Azərbaycanlılarının Həmrəylik Gününü ən yüksək səviyyədə bayram kimi qeyd etmək xalqımızın ictimai fikir tarixində əlamətdar bir hadisəyə çevrilmişdir. Hər birimiz üçün əziz və doğma bayram olan Dünya Azərbaycanlılarının Həmrəylik Günü dünyanın müxtəlif qitələrində yaşayan soydaşlarımızın birliyinin yaradılması məqsədilə ümummilli liderimiz Heydər Əliyev tərəfindən qoyulmuşdur.
Bu haqda ilk qərar 1991-ci ilin dekabr ayının 16-da Ümummilli liderimiz Heydər Əliyevin təşəbbüsü ilə Naxçıvan Ali Məclisində qəbul edilmiş və artıq 22 ildir ki, dünya azərbaycanlıları bu günü ümummilli birliyin, həmrəyliyin rəmzi kimi yüksək səviyyədə qeyd edir. Dünya Azərbaycanlılarının Həmrəylik Gününün təsis edilməsi həm də müxtəlif ölkələrdə yaşayan həmvətənlərimiz arasında siyasi-iqtisadi, mədəni münasibətlərin genişlənməsinə imkan yaratmışdır. Ulu öndərimiz Heydər Əliyevin təşəbbüsü ilə 2001-ci ilin noyabr ayında Bakıda Dünya Azərbaycanlılarının I qurultayı, 2006 və 2011-ci illərdə möhtərəm prezidentimiz cənab İlham Əliyevin təşəbbüsü ilə dünya Azərbaycanlılarının II və III qurultayları keçirilmişdir. Azərbaycan xalqı və dövləti üçün 2013-cü il də siyasi-iqtisadi və sosial-mədəni həyatda böyük uğurlar əldə edilmiş, iqtisadiyyat dinamik inkişaf yolunda olmuş, ölkəmizin büdcəsi artmış, pensiyalar, təqaüdlər, müavinətlər yüksəlmişdir. Azərbaycan xalqı 2013-cü ilin 9 oktyabrında möhtərəm prezidentimiz zati-aliləri cənab İlham Əliyevi qarşıdakı beşillik üçün yenidən dövlət başçısı seçməklə Heydər Əliyev siyasi xəttinin alternativsizliyinə sadiq olduqlarını bütün dünyaya sübut etmişlər.Daha sonra rayon rəhbəri tərəfindən uğurlarına görə nəzərdə tutulmuş 20 idmançının hər biri , 500 AZN dəyərində pul mukafatı ilə mükafatlandırıldı. Mukafatlandırılma mərasimindən sonra cıxış edən rayon Gənclər və İdman İdarəsinin rəisi Əsgər Əmirəliyev və rayon YAP Gənclər Biriliyinin sədri Elgün Hümbətov İcra Hakimiyyətinin başcısı Zakir Fərəcov cənablarının gənclərə göstərdiyi diqqət və qayğısından danışdı və gənclər adından minnətdarlıqlarını bildirdilər. Sonda müsiqi sədaları altında ziyafət süfrəsi açıldı.