Azərbaycanda növbədənkənar prezident seçkilərində səsvermə başa çatıb.
Saat 08:00-da başlayan səsvermə 19:00-da yekunlaşıb.
Qeyd edək ki, prezident postu uğrunda 8 namizəd mübarizə aparıb. Seçki prosesini 894 beynəlxalq müşahidəçi izləyib. Onlar 61 beynəlxalq təşkilatı və 59 ölkəni təmsil ediblər. Yerli müşahidəçilərin ümumi sayı isə 58175 olub. Ümumilikdə seçkiləri 50-dən çox xarici KİV-in 118 təmsilçisi işıqlandırıb.
Saat 17:00-a olan məlumata görə, prezident seçkilərində respublika üzrə seçicilərin 69,93 faizi, yəni 3 716 135 seçici səs verib.
