İ.V.Quliyevin –RİHB aparatının Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsinə keçirilməsi haqqında
Abşeron Rayon İcra Hakimiyyəti Başçısının Sərəncamı
"Dövlət qulluğu haqqında" Azərbaycan Respublikası Qanununa uyğun olaraq
Qərara alıram:
Quluyev İlham Vəliqulu oğlu 2013-cü il dekabr ayının 23-dən RİH Başçısı aparatının Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsinə təyin edilsin və dövlət qulluğunun müşaviri ixtisas dərəcəsi saxlanılsın.
RİH Başçısı aparatının Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsinə təyin edilmiş Quluyev İlham Vəliqulu oğlu , 10 yanvar 1976-cı ildə Laçın rayonunun Bülüldüz kəndində anadan olmuşdur.Orta məktəbi bitirdikdən sonra,1993-cu ildə Azərbaycan Dövlət İqtisad Universitetinə daxil olmuş, 1997-ci ildə oranı bitirmişdir.Digər bir təhsil aldığı müəssisə isə Azərbaycan Respublikası Prezidenti yanında Dövlət idarəçilik Akademyasıdır.
1998-ci ildən Laçın rayon "Təsərrüfatlararası Təmir Tikinti Müəssisəsi"də mühasib köməkçisi, 2000-ci ildə isə Laçın rayonu Maliyyə şöbəsində, Büdcə Proqnozu bölməsinin rəhbəri, baş iqtisadcı vəzifəsinə təyin olunmuş, 2006-cı idən isə Laçın Rayonu Maliyyə şöbəsində Büdcə Proqnozu sektorunun müdiri vəzifəsində çalışmışdır.12.06.2009-cu ildə isə Laçın Rayonu İcra Hakimiyyətinin başçısının birinci müavini vəzifəsinə təyin edilmişdir.
2000-ci ilin yanvar ayından Yeni Azərbaycan Partiyasının ən fəal üzvlərindən biridir. Ailəlidir 3 övladı var.
Bizdə Abşeron Xəbər portalı qrupu adından İlham Quluyevi təbrik edir,ona işlərində uğurlar diləyirik.