“2013-cü il yerli özünüodarəetmə orqanlarının fəaliyyəti baxımından uğurlu olub. Bir çox bələdiyyələr onların qarşısında duran vəzifələri layiqincə yerinə yetirərək abadlaşdırma və quruculuq işlərində fəal işlərində fəal iştirak edib, sosail-iqtisadi layihələr həyata keçirilib”. SİA-nın xəbərinə görə, bunu Ədliyyə nazirinin müavini Vilayət Zahirov parlamentdə Azərbaycanda bələdiyyələrin fəaliyyətinə inzibati nəzarətin həyata keçirilməsi bağlı ilə 2013-cü il üzrə illik məruzəsini səsləndirərkən deyib.
Onun sözlərinə görə, ötən il Ədliyyə Nazirliyinə bələdiyyələrin fəaliyyəti ilə əlaqədar 1855 müraciət (2012-ci illə müqayisədə 17% çox) daxil olub: “Aparılan təhlillər nəticəsində müəyyən edilib ki, müraciətlərin 495-i torpaq sahəsinin ayrılması tələbi, 302-si torpaq mübahisəsi, 168-i isə torpaq sahəsinin sənədləşdirilməsi ilə bağlı olub. Beləliklə, müraciətlərin 52%-i torpaq məsələlri, digərləri isə bələdiyyələrin fəaliyyəti ilə bağlı olub. Daxil olan müraciətlərə baxılarkən onlardan 263-ü aidiyyati üzrə göndərilib, 52-si üzrə inzibati nəzarət icraatı qaydasında araşdırma aparılıb, digərlərinə mahiyyəti üzrə baxılaraq cavab verilib. 25 müraciət üzrə inzibati nəzarət icraatı qaydasında aparılmış araşdırma nəticəsində toplanmış materiallar hüüuqi qiymət verilməsi üçün prokurorluq orqanlarına göndərilib”.
Nazir müavini onu da qeyd edib ki, nazirliyə təqdim olunan bələdiyyə aktlarının sayı 2012-ci illə müqayisədə xeyli artıq olub: “Belə ki, il ərzində hüquqi ekspertizadan keçmək üçün 59858 bələdiyyə aktı (2012-ci illə müqayisədə 14% çox) daxil olub. Bunlardan 2684 aktın qanunazidd olduğu müəyyən edilərək dəyişdirilməsi və ya ləğv edilməsi haqqında bələdiyyələrə göndərilib və həmin təkliflərin çoxu bələdiyyələr tərəfindən təmin edilib. Qanunsuz qərarların ləğvi ilə bağlı nazirliyin verdiyi təkliflərin təmini də xeyli artıb. Bu səbəbdən qanunazidd bələdiyyə qərarlarının məhkəmə vasitəsilə ləğv edilməsi zərurəti də əsaslı şəkildə azalıb. Belə ki, 2007-2012-ci illər ərzində bələdiyyələr tərəfindən təmin edilməmiş təkliflərlə bağlı müvafiq məhkəmələrdə qaldırılan iddiaların sayı 479 olduğu halda, 2013-cü ildə cəmi 4 iddia verilib”.
O çıxışı zamanı bildirib ki, il ərzində 3460,5 ha torpaq sahəsinin qanunsuz ayrılmasının qarşısı alınıb, həyata keçirilən tədbirlər nəticəsində qanunsuz olaraq icarəyə verilən 3196,66 ha torpaq sahəsi mülkiyyətə verilən 242.78 torpaq sahəsi, istifadəyə verilmiş 21,05 ha torpaq sahəsi bələdiyyə mülkiyyətinə qaytarılıb: “Bundan əlavə, İnzibati Xətalar Məcəlləsinə əsasən inzibati xəta haqqında 415 protokol tərtib edilərək aidiyyatl məhkəmələrə göndərilib və bununla bağlı 364 bələdiyyə sədri inzibati məsuliyyətə cəlb edilib. Onlardan bəziləri hətta iki dəfə məsuliyyətə cəlb edilib. Prokurorluğa göndərilmiş 25 materialdan 7-si üzrə cinayət işi qaldırılıb,nlardan 3-cü üzrə istintaq yekunlaşaraq müvafiq məhkəmələrə göndərilib, 1 cinayət işi üzrə artıq ittiham hökmü çıxarılıb. Həmçinin, 1 material üzrə cinayət işinə xitam verilib, 3 material üzrə cinayət işinin başlanması rədd edilib, digərləri isə baxılmaqdadır”.
O, qeyd edib ki, bələdiyyə üzvləri üçün keçirilmiş 22 kursda 1633 bələdiyyə qulluqçusu iştirak edib.
Qeyd edək ki, müzakirələrin sonunda illik məruzə məqbul sayılıb.
