Mayın 26-da Heydər Əliyev Mərkəzində Gənclər və İdman Nazirliyinin təşkilatçılığı ilə “Azərbaycan gəncliyi 2011-2015-ci illərdə” Dövlət Proqramının müvafiq bəndlərinin icrasının təmin edilməsi və 28 May - Respublika Günü ilə əlaqədar “Mənim Azərbaycanım” adlı ümumrespublika gənclər festivalının açılışı oldu
Əvvəlcə tədbirdə dövlət himni səsləndirildi, “Mənim Azərbaycanım” adlı videoçarx nümayiş etdirildi.
Mərasimdə çıxış edənlər ölkəmizdə və onun hüdudlarından kənarda 28 May - Respublika Gününə həsr olunmuş silsilə tədbirlərin keçirildiyini bildirdilər. Tədbirin Azərbaycan tarixinin təbliği istiqamətində və gənclərimiz arasında vətənpərvərlik tərbiyəsinin aşılanmasında mühüm əhəmiyyət kəsb edəcəyi diqqətə çatdırdılar.
Qeyd edildi ki, “Mənim Azərbaycanım” adlı ümumrespublika festivalının məqsədi gənclərin Azərbaycanın milli-mədəni irsi və tarixi haqqında məlumatlandırılması, region gəncləri arasında əməkdaşlığın genişləndirilməsi və bölgələrimiz haqqında onların daha zəngin biliklərə sahib olmasından ibarətdir. Vurğulandı ki, ilk dəfədir keçirilən festivalda Azərbaycanın 70-ə yaxın şəhər və rayonundan gənclər təmsil olunurlar.
Bölgələrimizin qədim zəngin mədəni irsinin, tarixinin və məişətinin dərindən öyrənilməsində və tanıdılmasında tədbirin əhəmiyyəti xüsusi qeyd edildi. Bu istiqamətdə virtual aləmdə, sosial şəbəkələrdə gənclərimizin üzərinə böyük məsuliyyətin düşdüyü bildirildi. Qeyd edildi ki, işğal altında olan Azərbaycanın qədim bölgələrinin də tarixinin təbliğ edilməsində və öyrənilməsində gənclərimiz qarşılıqlı şəkildə birgə fəaliyyət göstərməlidirlər.
Festival çərçivəsində Azərbaycanın şəhər və rayonlarının qədim tarixini, zəngin mədəni irsini və müasir sosial-iqtisadi həyatını əks etdirən fotostendlərdən ibarət sərgi də nümayiş etdirildi.
İki gün davam edəcək festivalın sonunda qaliblər mükafatlandırılacaqlar.
Bu festivala Bakı və respublikanın 70 rayonu il yanaşı Abşeron rayonuda komanda halında 4 iştirakçı ilə qatılmışdır.Festivalda rayonumuzu təmsil edən Abşeron rayonu gənclər və idman idarəsinin rəisi Əsgər Əmirəliyev, təhsil şöbəsinin işçisi Çinarə Sadıqova,Saray 3 nömrəli məktəbin informatika müəlliməsi Təranə İsmayılova və Abşeron Xəbərin baş redaktoru Şamo Əliyev komanda halında işələyərək festivala Abşeron rayonunun tarixi abidlərini,görkəmli şəxslərini,rayonun quruculuq-abadlıq işlərini əks etdirən şəkillərdən yığılmış təqdimat hazırlamışdılar.Festivalın ikinci günü Abşeron rayonun təqdimatı oldu.
Şamo Əliyevin hazırladığı təqdimatı səhnədə digər rayonun iştirakçıları qarşısında möhtəşəm nümayiş etdirən Təranə xanım Abşeron rayonu haqqında qısa məlumat verdikdən sonra,Abşeron rayonuna məxsus olan tarixi abidələr,Abşeron rayonda dünyaya göz açmış görkəmli şəxsiyətlər və rayonda görülmüş quruculuq və abadlıq işləri haqqında geniş nitq söylədi.Səhnədə hərkəsi Abşeron haqqında verdiyi geniş məlumatla heyran edən Təranə xanım nitqini cənab prezidentimizin Abşeron haqqında dediyi “..Bir halda ki,Abşeronlular belə yaxşı çalışırlar,deməli, gələcəkdə daha böyük işlər görəcəklər” cümləsi ilə yekunlaşdırdı.
Digər şəhər vər rayonların hazırladığı təqdimatlar baxıldıqdan sonra səs vermə ilə qalib komandanın secilməsi mərhələsi oldu.70 rayonun iştirakçılarının 30-dan coxunun Abşeron rayonuna səs verməsi ,Gənclər və İdman Nazirliyinin müsiflər heyətinin yekun rəyi ilə Abşeron rayonu Mənim Azərbaycanım” adlı ümumrespublika gənclər festivalının qalibi oldu
Sonda çıxış edən qalib komandanın qalibləri Abşeron rayonunda rayon rəhbəri cənab Zakir Fərəcovun gənclərə ayırdığı diqqət və qayğıdan,rayonda son 9-ildə aparılan quruculu və abadlıq işlərdən danışaraq geniş məlumat verdilər.
Qeyd edək ki,festivalda birinci yerə Abşeron rayon gənclərinin,ikinci yerə Laçın rayon gənclərinin və ücüncü yerə isə Gəncə rayon gənclərinin hazırladığı təqdimat layiq görüldü.
