Yaxın vaxtlarda Acarıstan Muxtar Respublikasının Batumi şəhərində Avropa ittifaqının “Şərq tərəfdaşlığı” proqramının 10 illiyinə həsr olunan konfrans keçiriləcək.
Konfransda “Şərq tərəfdaşlığı” proqramına daxil olan ölkələrin - Azərbaycan, Gürcüstan, Belarus, Moldova, Ukrayna və Ermənistan nümayəndələri iştirak edəcəklər. Tədbirin məqsədi adları çəkilən ölkələrlə Avropa İttifaqı arasında əməkdaşlığın daha da genişləndirilməsidir.
Konfrans çərçivəsində Gürcüstan Avropa İttifaqına fəaliyyət planı təqdim edəcək.
Qeyd edək ki, Avropa İttifaqının “Şərq tərəfdaşlığı” proqramı 2009-cu ilin may ayından həyata keçirilir.