"Yetkinlik yaşına çatmayanların baxımsızlığının və hüquq pozuntularının profilaktikası haqqında" Azərbaycan Respublikasının Qanunundan irəli gələn vəzifələrin icrası, habelə respublikada elan olunmuş "Uşaq hüquqları aylığı"nın keçirilməsi ilə bağlı noyabrın 22-də Abşeron RİH-in və Abşeron RTŞ-nın təşəbbüsü ilə Mehdiabad qəsəbəsində yerləşən 4 nömrəli orta məktəbdə tədbir keçirilib.
Toplantıda Abşeron rayon təhsil şöbəsinin əməkdaşı Şahnəzər Dadaşov, "Abşeron təhsili" və "Xırdalan qəzetinin baş redaktoru Anar Nağıyev, "Absheronxeber.az" saytının rəhbəri Şamo Əliyev, məktəbin pedoqoji kollektivi və şagirdlər iştirak ediblər.
Dövlət himninin səslənməsi ilə başlanan tədbirdə çıxış edən məktəbin direktoru Elnurə Cavazdazə “Uşaq hüquqlarının müdafiəsi və milli-mənəvi dəyərlərimiz” mövzusunda məruzə ilə çıxış edərək dövlətin bu sahədə atdığı addımlardan, uşaqların sağlam şəkildə yetişdirilməsi üçün yaradılan şəraitdən söhbət açıb. Bildirilib ki, dünyada müxtəlif zəmində baş verən münaqişələrdə uşaqlara qarşı zorakılıq faktlarının müşahidə olunduğu bir zamanda ölkəmizdə sabitlik və əmin-amanlıq hökm sürməkdədir. Bu da öz növbəsində uşaqların hüquqlarının tam şəkildə təmin olunmasına və onların firavan bir mühitdə yaşamasına şərait yaradır. Bu sahədə Heydər Əliyev Fondunun müstəsna xidmətləri olduğunu bildirən məktəbin direktoru Ə. Cavadzadə fondun prezidenti, İSESCO və UNESCO-nun xoşməramlı səfiri, Azərbaycanın birinci xanımı Mehriban Əliyevanın bu sahədəki müstəsna xidmətlərini diqqətə çatdırıb.
Aylıq cərcivəsində kecirilən tədbirdə erkən nikahlara məruz qalmalarına qarşı mübarizədə gənclərin fəallığının artırılması" və "Yetkinlik yaşına çatmayanların cinayətə meyilliliklərinin fəsadları və onların məruz qaldıqları zorakılıqdan müdafiəsi, təhsildən qərəzli şəkildə yayınmalarının, habelə onlar arasında avaralıq və dilənçilik hallarının qarşısının alınması, hər bir uşağın, o cümlədən xüsusi qayğıya ehtiyacı olan uşaqların - sağlamlıq imkanları məhdud, valideyn himayəsindən məhrum olan, qanunla ziddiyyətdə olan,miqrant ailələrindəki uşaqların hüquq və maraqlarının daha etibarlı təmin olunması mövzusunda məktəbin şagirdlərinin hazırladıqları səhnəciklər nümayiş olunub.
Toplantıda həmçinin dövlət uşaq siyasətini əks etdirən video çarxın nümayişi olunub.
Tədbirdə çıxış edən Abşeron RTŞ-nın əməkdaşı Şahnazar Dadaşov bildirib ki, BMT-nin “Uşaq Hüquqları haqqında Konvensiyası”na və “Uşaq Hüquqları haqqında” Azərbaycan Respublikası Qanununa müvafiq olaraq Abşeronda da uşaqların hüquqları qorunur, gənc nəslin sosial müdafiəsi və təhlükəsizliyini təmin olunması üçün bütün tədbirlər görülür və onların yaradıcı qabiliyyətlərinin üzə çıxarılması və inkişafından ötrü əlverişli şərait yaradılıb.
Sonda tədbir iştirakçılarını maraqlandıran suallar cavablandırılıb.
Şamo Əliyev
