Abşeron rayon Saray qəsəbəsi 2 nömrəli tam orta məktəbdə Bakı şəhər 232 nömrəli tam orta məktəbin təşəbbüsü ilə "Məktəblilərarası məntiq yarışı" keçirilib. Yarışda Bakı şəhəri 149, 217, 226 və 232 nömrəli tam orta məktəblərin və Saray qəsəbə 2 nömrəli tam orta məktəbin 6, 7 və 8-ci sinif şagirdləri iştirak ediblər. Yarışmanın əsas məqsədi şagirdlərin məntiqi biliklərinin artırılması, istedadlı, məntiqi təfəkkürü güclü olan şagirdləri aşkar etmək, onların həvəsləndirilməsi və elmə marağının artırılmasına müsbət təsir göstərməkdir.
Yarış 3 mərhələdən ibarət olub, suallara ən çox düzgün cavab verən 149 nömrəli məktəbin “Zəka” komandası qalib seçilib. Yarışın sonunda qalib komandaya kubok, digər komandalara isə diplomlar təqdim olunub.
